આપણે સૌ જાણીએ છીએ કે હવે ઉનાળાની શરૂઆત થઇ ગઈ છે. એટલે ફ્રીજનું કામ પણ વધી જાય છે. ઠંડા પાણી, બફર, આઈસ્ક્રીમ, ગોલા વગેરે ખાવાનું પણ વધી જાય છે. પણ ઘણા લોકોની ફ્રીજરને લઈને ઘણી ફરિયાદ હોય છે કે તેના ફ્રીજરમાં ખુબ જ બરફ જામી જાય છે. જેને કારણે વસ્તુઓ મુકવામાં તકલીફ પડે છે. પણ જો તમારી સાથે પણ આવું જ થાય છે તો હવે ચિંતા કરવાની જરૂર નથી. કારણ કે અમે કેટલીક એવી ટીપ્સ જણાવીશું જેનાથી તમારા ફ્રીજરમાં બરફ નહિ જામે.
ગરમીના આ દિવસોમાં ફ્રિજનો ઉપયોગ લગભગ દરેક ઘરમાં થતો હોય છે. પાણીને ઠંડુ કરવાથી લઈને ડ્રિંક્સ માટે આઈસ ક્યુબ અને ભોજનને તાજું રાખવા માટે ઉપયોગ કરવામાં આવતું ફ્રિજ ક્યારેક-ક્યારેક અમુક ખરાબીને કારણે વધારે બરફ બનાવવા લાગે છે. સાથે જ ફ્રિજરમાં જગ્યાની ઉણપ અને અજીબ દુર્ગંધ પણ આવવા લાગે છે. આમતો આવું સામાન્ય રીતે જૂના ફ્રીજમાં થાય છે. પરંતુ ઘણી વખત બેદરકારીના કારણે આ સમસ્યાઓ નવા ફ્રીજમાં પણ થવા લાગે છે. 
એવામાં જો તમે પણ ફ્રિજરમાં બરફ જામી જવાથી પરેશાન હોય, અને સમજી ન શકતા હોય કે આ સમસ્યાને કઈ રીતે સરખી કરવી તો ચિંતા ન કરવી આજે અમે તમને ફ્રીજમાં જામતા બરફનું કારણ અને તેનાથી બચવાના ઉપાયો તમારી સાથે શેર કરી રહ્યા છીએ. તેની મદદથી તમારા જૂના ફ્રીજમાં પણ બરફનું સમસ્યા નહીં થાય.
1) વારંવાર ફ્રિજ ન ખોલવુ:- જો તમારા ફ્રિજરમાં જરૂર કરતાં વધારે બરફ જામી જતો હોય તો, તેનું કારણ ભેજ પણ હોય શકે છે. એવામાં ભેજને ફ્રીજમાં પહોંચતા અટકાવવા માટે દિવસમાં ઓછામાં ઓછી વખત તેને ખોલવું. એવું એ માટે છે કારણ કે, દરેક વખતે જ્યારે તમે દરવાજો ખોલો છો તો, ગરમ હવા અંદર આવે છે જે, અંદરની ઠંડી હવા સાથે મિક્સ થઈને ભેજ બનાવે છે. અને પછી તે બરફમાં બદલાઈ જાય છે.
2) ફ્રિજર સરખા તાપમાને સેટ કરવું:- તમારા ફ્રિજરમાં બરફને જામી જતો અટકાવવા માટે એ સુનિશ્ચિત કરવું કે ફ્રિજરનું તાપમાન-18 ડિગ્રી ફારેનહાઈટ પર સેટ હોય. જો તમારું ફ્રિજર આ તાપમાનથી ઉપર સેટ હોય તો, તેને ઓછું કરવું. નહીં તો, ફ્રીજમાં જરૂર કરતાં વધારે બરફ જામવાં લાગે છે.
3) ફ્રિજરને ફૂલ રાખવું:- ફ્રિજરમાં બરફ જામતો અટકાવવા માટે તેને સામાનથી ભરાયેલું રાખવું. એવું એ માટે છે કારણ કે, જ્યારે ફ્રિજરમાં વધારે જગ્યા હોય છે, ત્યારે ભેજ વધારે બને છે. જે સમય સાથે ઠંડી કે ભેજમા બદલાઈ જાય છે. 
4) ફ્રિજરને નિયમિત રીતે સાફ કરવું:- ફ્રિજરને નિયમિત રીતે સાફ કરવાથી બરફ જામી જવાની શક્યતાઓ ઓછી થઈ જાય છે. પરંતુ ઘણા લોકો તેને સાફ કરવાનું ભૂલી જાય છે અને ડિફ્રોસ્ટ થવા દે છે. તમારા ફ્રિજરને ડિફ્રોસ્ટ કરવાની સૌથી સરળ રીત એ છે કે, બધા જ ખાદ્ય પદાર્થોને દૂર કરીને તેને આઈસ બોક્સમાં રાખી દો, પછી તમારા ફ્રિજરને એક કલાક માટે બંધ કરી લો જેથી તે સરખી રીતે ડિફ્રોસ્ટ થઈ જાય. તેને સરખી રીતે સાફ કરવું.
5) કંડેનસર કોઇલને નિયમિત રીતે સાફ કરવું:- ફ્રિજની પાછળ કોઇલનો એક સેટ હોય છે જેને કંડેનસર કોઇલ કહેવામા આવે છે. તે તમારા ફ્રિજને ચાલુ રાખવા અને ઠંડુ થવામાં મદદ કરે છે. જ્યારે તે ગંદા થઈ જાય છે કે બરફથી ઢંકાઈ જાય છે, તો તમરું ફ્રિજ સરખી રીતે કામ કરી શકતું નથી, જેના પરિણામસ્વરૂપ ક્યારેક-ક્યારેક તમારા ફ્રિજ અને ફ્રિજરની અંદર બરફ જામી જાય છે. આ સમસ્યાથી બચવા માટે તમારા ફ્રિજને અનપ્લગ કરો અને કંડેનસર કોઇલ્સને સાફ કરો અથવા તેને ડિફ્રોસ્ટ કરવા માટે નિયમિત રીતે બહાર કાઢવું.