વધતા વજનથી મોટાભાગના લોકો પરેશાન છે. વજન વધવું જેટલું સરળ છે તેટલું જ મુશ્કેલ તેને ઘટાડવાનું છે. વજન ઘટાડવા માટે તમારા માંથી મોટાભાગના લોકો લો કેલેરી, વર્કઆઉટ અને ફેડ ડાયટ પર આધાર રાખે છે. શરુઆતમાં આ બધી રીતો તમને છેતરી ને તમારું વજન ઘટાડી દે છે, પરંતુ પછી બેદરકારીને કારણે ફરી વજન વધી જાય છે. જેના કારણે ન માત્ર સ્વાસ્થ્ય બગડે છે, પરંતુ શરીર પણ બેડોળ બને છે. એવામાં કેટલાક લોકોને પોતાનો ટાર્ગેટ મેળવવા માટે સંઘર્ષ કરવો પડે છે.
આમ તો વજન ઘટાડવા માટે અનેક રીતો આપણે સોશિયલ મીડિયા પર સાંભળતા રહીએ છીએ, પરંતુ શું તમે જાણો છો કે કેટલાક છોડના પાન પણ ઝડપથી વજન ઘટાડવામાં તમારી મદદ કરી શકે છે. જણાવીએ કે આ પાનનો ઉપયોગ સદીઓથી વજન ઘટાડવા માટે કરવામાં આવે છે.પરંતુ આજની પેઢી આના વિશે ખૂબ જ ઓછું જાણતી હશે. તો આવો જાણીએ આ કયા પાન છે જે પ્રાચીન કાળથી આપણા રસોડાનો ભાગ હોવાની સાથે ચરબીને બર્ન કરવામાં મદદ કરે છે.
મીઠો લીમડો:- મીઠા લીમડા નો છોડ લગભગ આજે દરેક ભારતીય ઘરોમાં લાગેલો હોય છે. આમ તો આ દક્ષિણ ભારતીય વાનગી માં મહત્વપૂર્ણ ઘટક છે અને સુગંધથી પણ ભરપૂર. વાનગીમાં આ પાન મેળવવાથી ખાવાનો સ્વાદ બે ગણો થઈ જાય છે. એવું માનવામાં આવે છે કે દરેક સવારમાં ખાલી પેટે આ પાન ચાવવાથી વજન ઘટાડવામાં મદદ મળે છે.મીઠો લીમડો પોષક તત્વો અને મહાનિમ્બાઈન જેવા છોડના આધાર ઘટકોથી સમૃદ્ધ છે. આ પેટની ચરબી ઘટાડવા માટે મેટાબોલીઝમ રેટ ને વધારવા અને શરીરમાં ચરબીના જમાવડા ને દુર કરવા માટે ઉપયોગી છે. એટલું જ નહીં આ પાન ડાયાબીટીસ માટે પણ સારો ઈલાજ છે. અને આ બ્લડપ્યુરિફાઈ નું પણ કામ કરે છે.
ઓરેગાનો:- ઓરેગાનો ના પાન નું નામ આપણે લગભગ ઇટાલિયન ડીસ જેમ કે પાસ્તા, પિઝાની સાથે સાંભળ્યું છે. ઓરેગાનો ને જો આમાં ઉપરથી મેળવવામાં આવે તો ઇટાલિયન ડીસ અત્યંત સ્વાદિષ્ટ બની જાય છે. ઘણા લોકો ઓરેગાનોને મસાલો માને છે, પરંતુ ઓરેગાનો વાસ્તવ માં એક પ્રકારની જડી બુટ્ટી છે. પોલિફેનોલ્સ અને ફ્લેવોનોઈડ્સ જેવા બાયોએક્ટિવ યૌગિકોથી ભરપુર જડીબુટ્ટી ન કેવળ શરીરમાં ઈન્સ્યુલીનના નિયમનમાં મદદ કરે છે પરંતુ શરીરને આકારમાં પણ રાખે છે. આ એક એવી જડીબુટ્ટી છે જે ન કેવળ વજન ને પ્રબંધિત કરે છે પરંતુ તેના સેવનથી કબજિયાતની સમસ્યાથી પણ છુટકારો મેળવી શકાય છે.
કોથમીર:- કોથમીરના પાન નેચરલ થેરાપીની જેમ વજન ઘટાડવામાં મદદ કરે છે. આમાં પાણીનું વજન અને શુગર લેવલને નિયંત્રિત કરવા અને શરીરના મેટાબોલિઝ્મને બૂસ્ટ કરવાનો ગુણ હોય છે. ફાઈબરથી ભરપૂર આ પાનને ચાવીને બેચેની અને બ્લોટીંગની સમસ્યા દૂર કરી શકાય છે.
રોઝમેરી:- રોઝમેરી એક પ્રાચીન જડીબુટ્ટી છે.જેનો ઉપયોગ પારંપરિક દવાઓ તૈયાર કરવા માટે કરવામાં આવે છે. એન્ટીઓક્સીડેન્ટથી ભરપૂર હોવાથી મેટાબોલિઝ્મની સ્થિતિમાં સુધાર અને બ્લડ શુગરને મેનેજ કરવાનું અત્યંત સરળ થઈ જાય છે. આ પાનમાં હાજર એન્ટી-ઇન્ફલેમેટરી ગુણો વોટર રીટેન્શન માં સુધાર કરે છે, જેનાથી વજન ઝડપથી ઘટવા લાગે છે. કુલ મેળવીને એક સ્વસ્થ જીવન માટે દરેક જણે પોતાના ઘર કે બાલ્કનીમાં રોઝમેરી નો છોડ જરૂર લગાડવો જોઈએ.
વેટ લોસ માટે અહીંયા જણાવવામાં આવેલા છોડના પાન ખૂબ સારા છે પરંતુ આનું વધુ પડતું સેવન ન કરવું. ધ્યાન રાખો કે જો તમે ગર્ભવતી હોવ તો ડોક્ટરની સલાહ લીધા વગર તમારા આહારમાં કોઈપણ નવું ભોજન સામેલ ન કરવું.
(નોંધ : ઉપર જણાવેલ બધી જાણકારી ઈન્ટરનેટ આધારિત છે, માટે તેનો ઉપાય કરતા પહેલા કોઈ વિશેષજ્ઞ અથવા જાણકારની સલાહ અવશ્ય લેવી.)