મિત્રો તમે ગુલકંદના ગુણો વિશે જાણતા જ હશો. તેના સેવનથી તમને ગરમી સામે રક્ષણ મળે છે. તેમજ તેના સેવનથી તમને એક ઠંડકનો અનુભવ થાય છે. આપણે આ લેખમાં દૂધમાં ગુલકંદ નાખીને સેવન કરવાથી થતા કેટલાક ફાયદાઓ વિશે જાણી લઈએ.
દૂધ સ્વાસ્થ્ય માટે ખૂબ જ ફાયદાકારક ગણવામાં આવે છે. મોટાભાગના હેલ્થ એક્સપર્ટ દરરોજ દૂધનું સેવન કરવાની સલાહ આપે છે. ખાસ કરીને બાળકો માટે દૂધ સંપૂર્ણ આહાર હોય છે. માટે દરરોજ દૂધ પીવાની સલાહ આપવામાં આવે છે. દૂધનો સ્વાદ બદલવા માટે આપણે તેમાં ઘણા પ્રકારની વસ્તુઓ મિક્સ કરીને પીએ છીએ. જેથી તમે દૂધના એક જ સ્વાદથી કંટાળી ન જાઓ. દુધમાં હળદર અને મધ જેવી વસ્તુઓનું સેવન તમે ઘણી વખત કર્યું હશે, પરંતુ શું તમે ક્યારેય દૂધ સાથે ગુલકંદનું સેવન કર્યું છે? હા, દૂધ અને ગુલકંદ સ્વાસ્થ્ય માટે ખૂબ જ ફાયદાકારક હોય છે. જે રીતે દૂધનું સેવન કરવાથી શરીરની ઘણા પ્રકારની બીમારીઓ દૂર થઈ શકે છે, તે જ રીતે ગુલકંદ પણ ઘણી બીમારીઓને દૂર રાખવામા ફાયદાકારક હોય છે. આજે અમે આ લેખમાં દૂધ અને ગુલકંદનું સેવન કરવાથી શરીરને થતાં ફાયદાઓ વિષે જાણીશું.
દૂધ અને ગુલકંદના ફાયદા : 1 ) છાલાથી આરામ – દૂધ અને ગુલકંદનું સેવન કરવાથી છાલા એટલે કે અલ્સરની સમસ્યાને સરખી કરી શકાય છે. વાસ્તવમાં છાલાની સમસ્યા પેટ સરખું ન હોવાને કારણે થાય છે, જો તમારું પેટ સરખી રીતે સાફ ન થઈ રહ્યું હોય તો, આવી સ્થિતિમાં છાલા કે અલ્સર થઈ શકે છે. ગુલકંદમાં વિટામિન બી ગ્રુપના લગભગ બધા જ વિટામિન જોવા મળે છે. જે આ સમસ્યા મટાડવામાં ઉપયોગી બને છે. જો તમે મોંના છાલાથી છુટકારો મેળવવા માંગતા હોય તો, દૂધ અને ગુલકંદનું સેવન કરવું.
2 ) આંખો માટે ફાયદાકારક- આંખોને સ્વસ્થ રાખવા માટે તમે દૂધ અને ગુલકંદનું સેવન કરી શકો છો. તે આંખોનું તેજ વધારવામાં તમને ઘણી મદદ કરી શકે છે. ખાસ કરીને ગરમીમાં રાત્રે સૂતા પહેલા 1 ગ્લાસ દૂધ સાથે ગુલકંદનું સેવન કરવું. તેનાથી તમારી આંખો સુરક્ષિત થઈ શકે છે.
3 ) કબજિયાતમાં રાહત અપાવે છે- જો તમે કબજિયાતની સમસ્યાથી જજૂમી રહ્યા હોય તો, દૂધ અને ગુલકંદનું સેવન તમારા માટે અસરકારક સાબિત થઈ શકે છે. વાસ્તવમાં, ગુલકંદમાં મેગ્નેશિયમ જોવા મળે છે. જે કબજિયાતને દૂર કરવામાં અસરકારક સાબિત થઈ શકે છે. તેમજ, દૂધનું સેવન કરવાથી પણ કબજિયાતની સમસ્યા મટાડી શકાય છે. એવામાં આ બંનેનું મિશ્રણ તમારા પેટને સરખું કરવામાં અસરકારક સાબિત થઈ શકે છે.
4 ) સ્ટ્રેસ ઘટાડે છે દૂધ અને ગુલકંદ- આ દિવસોમાં લોકોમાં સ્ટ્રેસ ખૂબ જ વધી રહ્યો છે. જો તમે સ્ટ્રેસથી દૂર રહેવા માંગતા હોય તો, દૂધ અને ગુલકંદનું સેવન કરવું. દૂધ અને ગુલકંદ એંટીઓક્સિડેંટથી ભરપૂર હોય છે, જે સ્ટ્રેસને દૂર કરવામાં અસરકારક સાબિત થઈ શકે છે. 
5 ) મેમોરી પાવર બુસ્ટ કરે છે- દૂધ અને ગુલકંદનું સેવન કરવાથી મેમોરી પાવરને બુસ્ટ કરી શકાય છે. વાસ્તવમાં, ગુલકંદમાં એંટીઓક્સિડેંટ જોવા મળે છે. જે યાદશક્તિ વધારવામાં તમારી મદદ કરી શકે છે. તે સિવાય ગુલકંદની તાસીર ઠંડી હોય છે જે તમારા મગજને શાંત કરે છે. અને મેમોરી પાવર બુસ્ટ કરવામાં મદદ કરે છે.
6 ) સ્થૂળતા કંટ્રોલ કરે છે- વધતી સ્થૂળતાને કંટ્રોલ કરવા માટે તમે દૂધ અને ગુલકંદનું સેવન કરી શકો છો. શરીરના વધતાં વજનને કંટ્રોલ કરવામાં પણ દૂધ અને ગુલકંદનું નિયમિત રીતે સેવન કરવું જોઈએ.
દૂધ અને ગુલકંદનું સેવન સ્વાસ્થ્ય માટે ખૂબ જ ફાયદાકારક સાબિત થઈ શકે છે. જોકે, ધ્યાન રહે જો તમને પહેલેથી જ કોઈ બીમારી હોય તો, ડોક્ટરની સલાહ પછી જ આ કોંબીનેશનનું સેવન કરવું.
(નોંધ : ઉપર જણાવેલ બધી જાણકારી ઈન્ટરનેટ આધારિત છે, માટે તેનો ઉપાય કરતા પહેલા કોઈ વિશેષજ્ઞ અથવા જાણકારની સલાહ અવશ્ય લેવી.)