આજે લગભગ દરેક લોકો પોતાની વધારાની ચરબી ઓછી કરવા માંગતા હોય છે. આથી તેઓ વજન ઓછું કરવા માટે અનેક અખતરાઓ કરતા હોય છે. પરંતુ ઘણી વખત અનેક ઉપાયો કરવા છતાં વજન ઓછો નથી થતો. આથી લોકો નિરાશ થઈ જાય છે. પરંતુ જો તમે ખરેખર વજન ઓછું કરવા માંગતા હો, તો તમે લીબું અને ગોળનું સેવન કરી શકો છો. આ મિશ્રણનું સેવન તમારા શરીરની વધારાની ચરબી ઓછી કરવામાં તમારી મદદ કરે છે.
અસંતુલિત ખાણીપીણી અને ખરાબ જીવનશૈલીના કારણે લોકોમાં સ્થૂળતાની સમસ્યા ઝડપથી વધી રહી છે. સ્થૂળતા ઘટાડવા માટે લોકો તમામ પ્રકારના ડાયેટ પ્લાન અને એકસરસાઈઝ વગેરેનો અભ્યાસ કરે છે. આખો દિવસ બેસીને કામ કરવાથી અને અનહેલ્થી ફૂડ્સનું સેવન કરવાથી લોકોનું પેટ વધી રહ્યું છે. અને તે ઘણી ગંભીર સમસ્યાઓનું કારણ પણ બની રહ્યું છે. વજન ઘટાડવા માટે લીંબુ અને ગોળનું સેવન ખૂબ જ ફાયદાકારક ગણવામાં આવે છે.
લીંબુ અને ગોળનું પાણી વજન ઘટાડવા માટે રામબાણ ઉપાય છે. હેલ્થી ડાયેટ અને એકસરસાઈઝનું પાલન કરવાની સાથે સાથે દરરોજ લીંબુ અને ગોળનું સેવન ઓછા સમયમાં વજન ઘટાડવા માટે ખુબ ઉપયોગી ગણવામાં આવે છે. વજન ઘટાડવા માટે સૌથી જરૂરી એ છે કે, તમે તમારા શરીરને સરખી રીતે હાઈડ્રેડ જરૂરથી રાખો. મોટાભાગે લોકો આ ભૂલ વજન ઘટાડતી વખતે કરતાં હોય છે. લીંબુ અને ગોળનું સેવન કરવાથી શરીર હાઈડ્રેડ પણ રહે છે અને ઝડપથી વજન ઘટાડવામાં ઉપયોગી થાય છે.
વજન ઘટાડવા માટે લીંબુ અને ગોળ : વજન ઘટાડતી વખતે લોકો સામાન્ય રીતે ડાયટમાં કટૌતી કરે છે, પરંતુ એ વાતનું ધ્યાન નથી રાખતા કે જે પદાર્થ તેઓ ખાઈ રહ્યા છે તે શરીર માટે પર્યાપ્ત છે કે નહીં. તેવામાં ઘણી વખત લોકો વજન ઘટાડવાના ચક્કરમાં શરીરને નબળું પાડી દેતા હોય છે. લીંબુ અને ગોળનું સેવન વજન ઘટાડવા માટે ઉપયોગી એ માટે પણ છે. કારણ કે તેનાથી પર્યાપ્ત માત્રામાં પોષકતત્વો પણ જોવા મળે છે, જે શરીરને ઘણા પ્રકારની બીમારીઓથી બચાવવામાં મદદ કરે છે. આ સિવાય તેના સેવનથી તમારા શરીરમાં અનહેલ્થી કોલેસ્ટ્રોલનું સ્તર પણ ઘટે છે. તેમજ ગોળ શરીરના મેટબોલીઝ્મને મજબૂત બનાવવાની સાથે સાથે પાચનતંત્રને પણ મજબૂત બનાવે છે. ગોળના સેવનથી શરીરની રોગપ્રતિકારક ક્ષમતા એટલે કે ઇમ્યુનિટી પણ મજબૂત થાય છે.
લીંબુ અને ગોળના ફાયદા : 1 ) લીંબુમાં રહેલા પોષકતત્વો શરીરને બીમારીઓથી બચાવે છે.
2 ) શરીરને હાઈડ્રેડ રાખવામાં લીંબુ ખુબ જ ઉપયોગી ગણવામાં આવે છે.
3 ) લીંબુમાં રહેલ પોલીફીનોલ એન્ટીઓક્સિડેંટ વજન ઘટાડવા માટે ઉપયોગી છે.
4 ) ગોળમાં એન્ટીઓક્સિડેંટ, ઝીંક અને સેલેનિયમ હોય છે જે ઇમ્યુનિટી વધારે છે.
5 ) શરીરમાંથી ઝેરી પદાર્થો બહાર કાઢવામાં ફાયદાકારક છે ગોળ.
6 ) પાચનતંત્ર મજબૂત બનાવવા માટે ફાયદાકારક છે ગોળ.
7 ) ગોળમાં રહેલ પોષકતત્વો શરીરને નબળું બનવાથી બચાવી શકે છે. 
વજન ઘટાડવા માટે લીંબુ અને ગોળનું સેવન કેવી રીતે કરવું જોઈએ ? : વજન ઘટાડવા માટે લીંબુ અને ગોળનું સેવન ખુબ જ ફાયદાકારક હોય છે. તમે ઘણા પ્રકારે તેનું સેવન વજન ઘટાડવા માટે કરી શકો છો. તમે લીંબુ અને ગોળનું એક સાથે સેવન કરી શકો છો. દરરોજ સવારે ખાલી પેટ એક ગ્લાસ નવશેકા પાણીમાં એક ચમચી લીંબુનો રસ મિક્સ કરીને તેની સાથે ગોળનો એક ટુકડો નાખી સેવન કરવાથી વજન ઘટાડી શકાય છે.
વજન ઘટાડવા માટે લીંબુ અને ગોળનું સેવન ફાયદાકારક છે. પરંતુ તમને ડાયાબિટીસ અથવા ખાણીપીણીથી જોડાયેલી કોઈ સમસ્યા હોય તો ચિકિત્સકની સલાહ વગર તેનું સેવન ન કરવું જોઈએ. આમ લીંબુ અને ગોળનું સેવન તમારા વજન ઓછો કરવામાં અનેક રીતે મદદ કરે છે.
(નોંધ : ઉપર જણાવેલ બધી જાણકારી ઈન્ટરનેટ આધારિત છે, માટે તેનો ઉપાય કરતા પહેલા કોઈ વિશેષજ્ઞ અથવા જાણકારની સલાહ અવશ્ય લેવી.)