આપણે બધા જ જાણીએ છીએ કે, આજે દરેક ઘરોમાં સુખ સુવિધાઓ ઉપલબ્ધ હોય છે. જેમાં રોજિંદા જીવન જરૂરિયાતથી લઈને ઘણી ઘરની સામગ્રીઓ હોય છે. જેમાં ઘરની સુવિધાઓમાં સાધન સામગ્રીઓનો પણ સમાવેશ થાય છે. તેમાં આજે લગભગ ઘરોમાં ફ્રિઝ હોય છે. સામાન્ય રીતે ફ્રિઝનો ઉપયોગ ખાદ્ય પદાર્થો બગડે નહિ એ માટે હોય છે. તેમાં શાકભાજી, ફ્રુટ કે પછી અન્ય કોઈ ખાદ્ય પદાર્થ હોય તો એ લાંબા સમય સુધી તાજા રહે છે. તેને આપણે થોડા સમય બાદ પણ ઉપયોગમાં લઈ શકીએ છીએ.
પરંતુ આજે આ લેખમાં અમે તમને અમુક ખાસ વસ્તુ વિશે જણાવશું, જેને ક્યારેય ભૂલથી પણ ફ્રિઝમાં ન મુકવી જોઈએ. જો એ વસ્તુઓને ફ્રિઝમાં મુકવામાં આવે અને તેનું સેવન કરવામાં આવે તો તબિયત પણ બગડી શકે છે અને અનેક રોગો થવાનો ભય પણ રહે છે. માટે આજે આ લેખમાં અમે તમને જણાવશું એ વસ્તુ ફ્રિઝમાં મુકીને તેનું સેવન કરશો તો મુશ્કેલીમાં મુકાય જશો. તો ચાલો જાણીએ કંઈ છે એ વસ્તુ.
બ્રેડ : બ્રેડને ક્યારેય પણ ફ્રિઝમાં ન મુકવી જોઈએ. બ્રેડને ફ્રિઝમાં મુકવામાં આવે તો તેનો સ્વાદ પણ બદલી જાય છે. તેમજ ખાવા યોગ્ય પણ નથી રહેતી. જો ફ્રિઝમાં મુકેલી બ્રેડનું સેવન કરવામાં આવે તો આપણા સ્વાસ્થ્યને નુકશાન પણ થાય છે. જે ગંભીર બીમારીનું મૂળ બની શકે છે.
ટમેટા : ટમેટાને લાંબા સમય સુધી ક્યારેય પણ ફ્રિઝમાં મૂકી રાખવા ન જોઈએ. કેમ કે ફ્રિઝની અંદર મુકવાથી ટમેટાની અંદરનો ભાગ બગડવા લાગે છે. તેના કારણે ટમેટા ઝડપથી બગડવા લાગે. અને ઘણી વાર ટમેટા અંદરથી બગડી ગયા હોય અને તેનું સેવન કરીએ તો આપણા સ્વાસ્થ્યને નુકશાન થાય છે.
કોફી : કોફી એવી વસ્તુ છે જેને ભૂલથી પણ ફ્રિઝમાં ન મૂકી જોઈએ. કોફીને જો ફ્રિઝમાં મુકવામાં આવે તો તેની સુગંધ અન્ય વસ્તુમાં પણ પ્રસરી જાય છે. તેના કારણે બીજી વસ્તુઓ પણ જલ્દી ખરાબ થવા કરે છે. માટે કોફીને પણ ક્યારેય ફ્રિઝમાં મુકવી ન જોઈએ.
કેળા : મોટા ભાગના ફળને ફ્રિઝમાં મુકવામાં આવે છે. પરંતુ કેળા એક એવું ફળ જેને ક્યારેય પણ ફ્રિઝમાં મુકવા ન જોઈએ. જો કેળાને ફ્રિઝમાં મુકવામાં આવે તો એ જલ્દીથી ખરાબ થઈ જાય છે. કેમ કે કેળાને જો ફ્રિઝમાં મુકવામાં આવે તો તેમાંથી ઈથાઈલીન નામનો ગેસ બહાર નીકળે છે જેના કારણે બીજા ફળો પણ બગડી જાય છે. 
મધ : મધને હંમેશા કુદરતી વાતાવરણમાં જ રાખવું જોઈએ તેને ક્યારેય ફ્રિઝમાં ન મુકવું. મધને ફ્રિઝમાં મુકવામાં આવે તો તે ક્રિસ્ટલ બની જાય છે. તેમજ તેના બધા ગુણો પણ નષ્ટ થઈ જાય છે.
બટેટા : બટેટાને ફિઝમાં મુકવામાં આવે તો તે સ્ટાર્ચ શુગરમાં પરિવર્તિત થાય છે. તેનાથી બટેટાની અંદર નો સાચો ટેસ્ટ પણ ગાયબ થઈ જાય છે. તેનાથી આપણા શરીરને નુકશાન થાય છે. જે આપણને શ્રીરિક નુકશાન પણ પહોંચાડે છે.
તરબૂચ : ફિઝમાં રાખીને તરબૂચનું સેવન પણ ન કરવું જોઈએ. તરબૂચ ફ્રિઝમાં મૂકી તેનું સેવન કરવામાં આવે તો તેના પોષ્ટિક ગુણો નથી મળતા.માટે તરબૂચ પણ નેચરલ ખાવું જોઈએ.