જયારે કોઈ વ્યક્તિ કબજિયાતની તકલીફથી પરેશાન રહે છે ત્યારે તેને અસહ્ય દુખાવાનો અનુભવ થતો હોય છે. અને તેનાથી રાહત મેળવવા માટે તમે અનેક ઉપાયો અપનાવતા હશો. પણ જો તમને આ કબજિયાત ખુબ જ લાંબા સમયથી હોય અને ખુબ જ જૂનામાં જૂની હોય તો તમે અહી આપેલ એક ખુબ જ સરળ અને સચોટ આયુર્વેદિક ડોકટરના જણાવ્યા પ્રમાણેના કેટલાક ઉપાયો અજમાવી શકો છો. તેનાથી તમારા પેટને લગતી અન્ય સમસ્યાઓ પણ ઝડપથી દુર થઇ જશે.
કબજિયાત એક સામાન્ય સમસ્યા છે જેનાથી અવારનવાર કોઈ ને કોઈ પરેશાન રહેતું હોય છે. કબજિયાતના અમુક સામાન્ય કારણોમાં જંક ફૂડનું સેવન, દારૂ પીવું, વધારે ખાવું, ખાવામાં ફાઈબરની ઉણપ, ઓછું પાણી પીવું, માંસનું વધારે સેવન કરવું, સ્મોકીંગ અને કોઈ પણ પ્રકારની ફિઝિકલ એક્ટિવિટીમાં સમાવિષ્ટ ન થવું છે. ધ્યાન રહે કે, કબજિયાતનો ઈલાજ ના કરવાથી તે આગળ જતાં બવાસીર જેવી ઘાતક બીમારીનુ કારણ બની શકે છે.
કબજિયાતનો ઘરેલુ ઉપચાર શું છે?:- કબજિયાત તોડવા માટે આમતો, તમારે તરલ અને ફાઈબરથી ભરપૂર પદાર્થોનું ખૂબ જ સેવન કરવું જોઈએ પરંતુ તેના માટે અમુક દવાઓ પણ છે. સારું એ છે કે દવાઓ ખાવાના બદલે તમે અમુક ઘરેલુ ઉપાયો પણ અજમાવી શકો છો. ઘણા નુસ્ખા છે, જે કબજિયાત મટાડીને મળ ત્યાગને સરળ બનાવી શકે છે. અમે તમને કબજિયાતથી રાહત મેળવવાના અમુક સરળ આયુર્વેદિક ઉપાયો જણાવી રહ્યા છીએ જે તમારી મદદ કરી શકે છે.
વાત દોષને કાબૂ કરવાની ડાયેટ:- આયુર્વેદ મુજબ, વાત મન અને શરીરના બધા જ કામોને કંટ્રોલ કરે છે. તેમાં હવા અને સ્થાન જેવા તત્વો હોય છે અને સામાન્ય રીતે શુષ્ક, હળવું, ઠંડુ, ગતિશીલ અને હંમેશા પરિવર્તનશીલ હોય છે. વાત કંટ્રોલ કરવા માટે તાજુ પાકેલૂ ભોજન લેવું જોઈએ. જેમાં બધી જ વસ્તુઓનું મિશ્રણ હોય. આ વસ્તુઓ બનાવટમાં નરમ હોય છે. તેમાં પ્રોટીન અને ફૈટ હોય છે. હંમેશા ગરમ ખાદ્ય પદાર્થો, ગરમ પીણાં અને સરખી રીતે રંધાયેલી શાકભાજીનું સેવન કરવું.
કબજિયાતનો આયુર્વેદિક ઈલાજ છે ત્રિફલા:- ત્રિફલા કબજિયાત દૂર કરવા માટે સૌથી અસરકારક આયુર્વેદીક ઉપાયો માંથી એક છે. ત્રિફલામાં ગ્લાઇકોસાઇડ હોય છે. જેમાં રેચક ગુણ હોય છે. ત્રિફલાને તમે ગરમ પાણીમાં મિક્સ કરીને ચા બનાવી શકો છો. તમે એક ચતુર્થાંશ જેટલી ચમચી ત્રિફલામાં અડધી ચમચી ધાણાના બીજ અને એક ચતુર્થાંશ ચમચી ઈલાયચીના બીજ મિક્સ કરી શકો છો. તેને એક સાથે વાટીને એક ગ્લાસ પાણીમાં મિક્સ કરીને પીઓ.
શેકેલી વરિયાળી છે કબજિયાતનો ઈલાજ:- જો તમે કબજિયાતથી પરેશાન હોય તો, એક ગ્લાસ ગરમ પાણીમાં એક ચમચી શેકેલી વરિયાળી મિક્સ કરો. વરિયાળી ખાવાથી ગેસ્ટ્રીક એંઝાઇમોનું ઉત્પાદન કરવામાં મદદ મળે છે, જે પાચનક્રિયા મજબૂત બનાવે છે અને મળ ત્યાગને સરળ બનાવે છે.
બિલાના ફળનો રસ:- બિલાના ફળમાં રેચક ગુણ હોય છે. જો તમને કબજિયાતની સમસ્યા હોય તો, રાત્રે જમતા પહેલા અડધો કપ બિલાના ફળનો રસ એક ચમચી ગોળ સાથે ખાવો. તમે તેનો શરબત બનાવીને પણ પી શકો છો જેમાં તમે આમલીનું પાણી અને ગોળ મિક્સ કરી શકો છો.
મૂલેઠીના મૂળ:- મૂલેઠીમાં એન્ટિઇમ્ફ્લેમેટરી ગુણ હોય છે અને આ જડીબુટ્ટી ખરાબ પાચનને સારું કરવાનું કામ કરે છે. તમે એક કપ ગરમ પાણીમાં એક ચમચી પીસેલી મૂલેઠીના મૂળ અને એક ચમચી ગોળ મિક્સ કરીને લઈ શકો છો. નિયમિત રૂપથી તેનું સેવન કરવાથી તમારી જૂનામાં જૂની કબજિયાત મટાડવામાં મદદ મળી શકે છે. આમ આ સરળ ઉપાયો દ્વારા તમે કાયમ માટે કબજીયાતની તકલીફ દુર કરી શકો છો.
(નોંધ : ઉપર જણાવેલ બધી જાણકારી ઈન્ટરનેટ આધારિત છે, માટે તેનો ઉપાય કરતા પહેલા કોઈ વિશેષજ્ઞ અથવા જાણકારની સલાહ અવશ્ય લેવી.)