મિત્રો, તમે તમારા વડીલો પાસેથી હંમેશા સાંભળ્યું હશે કે, આપણે તાંબાના વાસણમાં પાણી પીવું જોઈએ. પણ તમે ક્યારેય વિચાર્યું છે કે, શા માટે આવી સલાહ આપવામાં આવે છે ? આ સિવાય કહેવાય છે કે, ભગવાનને પણ તાંબાના વાસણમાં ભરેલ પાણી જ ધરવું જોઈએ. આ સિવાય તમે જાણતા હશો કે કોઈ પણ શુભ કાર્યમાં તાંબાના લોટા કે ઘડાનો ઉપયોગ કરવામાં આવે છે. તેમજ પિતૃ ક્રિયામાં પણ તાંબાના વાસણનો ઉપયોગ કરવામાં આવે છે. તો ચાલો મિત્રો જાણી લઈએ કે તાંબાના વાસણમાં જ કેમ પાણી પીવું જોઈએ.
તમે એવું પણ સાંભળ્યું હશે કે, તાંબાના વાસણમાં રાત્રે પાણી ભરીને રાખવું અને સવારે તે પાણી પીવું જોઈએ. પરંતુ તમને તેની પાછળનું કારણ ખબર છે. તમને જણાવી દઈએ કે, તાંબાના વાસણમાં પાણી પીવાથી આપણી પાચન શક્તિ ખુબ જ સારી બને છે. તેમજ આપણા હૃદયને પણ એ સ્વસ્થ બનાવે છે.
આ ઉપરાંત બ્લડ પ્રેશરને કંટ્રોલમાં રાખીને બેડ કોલેસ્ટ્રોલને ઓછું કરે છે. તેમજ તાંબાના વાસણમાં પાણી પીવાથી હાર્ટએટેક આવવાનો ખતરો દુર થાય છે. આ સિવાય જો સ્કીનને લગતી કોઈ સમસ્યા હોય, તો તે આ પાણી પીવાથી દુર થાય છે. તમારા શરીરના વધતા જતા વજનથી પણ જો તમે પરેશાન છો, તો તેના માટે આ સૌથી સારો અને ઉત્તમ ઉપાય છે. જો તમને એનિમિયાની તકલીફ હોય છે, તો તેના માટે તાંબાના વાસણમાં પાણી પીવાથી લાભ થાય છે. એક સંશોધન અનુસાર કેન્સરના પ્રથમ તબક્કે જો તાંબાના વાસણમાં પાણી પીવાનું શરૂ કરવામાં આવે, તો તેનાથી ઘણો ફાયદો થઈ શકે છે. આ સિવાય શરીરના સાંધાના દુઃખાવા, સોજાઓ વગેરેથી તકલીફ પણ ઓછી કરે છે. 
એવું માનવામાં આવે છે કે, તાંબાના વાસણમાં રહેલ પાણી એકદમ શુદ્ધ હોય છે. તે પાણીમાં રહેલ દરેક પ્રકારના બેક્ટેરિયાને ખત્મ કરી નાખે છે. તેમજ બેક્ટેરિયા આપણા શરીરમાં ડાયેરિયા, કમળો, ડિસેટ્રી જેવી બીમારીને દુર કરે છે. આ સિવાય સૌથી મહત્વનો ફાયદો એ છે કે, તાંબુ એ તમારા શરીરમાં કોપરની માત્રાને પૂરી કરે છે. બીમારી પેદા કરતા જીવાણુંનો નાશ કરે છે.
જો તમને પેટને લગતી કોઈ પણ બીમારી હોય તો તેના માટે તાંબાનું પાણી ખુબ જ ફાયદાકારક છે. આમ દરરોજ તેનો ઉપયોગ કરવાથી પેટનો દુઃખાવો, ગેસ, એસીડીટી, કબજિયાત જેવી બીમારીથી રાહત મેળવી શકાય છે. તેમજ શરીરની આંતરિક સફાઈ માટે પણ તાંબાનું પાણી ખુબ લાભદાયક છે. તે લીવરને કિડનીને સ્વસ્થ રાખે છે. આમ કોઈ પણ પ્રકારના ઇન્ફેકશન સામે લડવા માટે તાંબુ ખુબ ફાયદાકારક છે. 
આ સિવાય તાંબુ એ એન્ટીબેક્ટીરીયલ, એન્ટીવાયરલ અને એન્ટી એન્ફ્લેમેન્ટી માટે પણ જાણીતું છે. તે શરીરના આંતરિક અને બાહ્ય બંને પ્રકારની તકલીફમાં ફાયદો કરે છે. આ ઉપરાંત તાંબામાં ભરપુર માત્રામાં મિનરલ્સ હોવાથી તે થાયરોઈડની સમસ્યાને દુર કરે છે. જો તમે તમારા મગજને તેજ કરવા માંગો છો, તો તેના માટે તાંબાનું પાણી પીવું ખુબ લાભદાયક છે. તે મગજને તેજ કરવામાં મદદ કરે છે. આ પાણી પીવાથી તમારી સ્મરણશક્તિ વધે છે અને મગજ તેજ બને છે.