આપણે જાણીએ છીએ કે આમળાનું સેવન આપણા સ્વાસ્થ્ય માટે ખુબ જ લાભકારી માનવામાં આવે છે. આથી જ આપણે આમળાનું સેવન કરીએ છીએ. તેમજ આમળાને ધરતી પરનું અમૃત પણ કહેવામાં આવે છે. તેના સેવનથી તમને અનેક ફાયદાઓ થાય છે. આજે આપણે આ લેખમાં આમળાના જ્યુસનું સેવન કરવાથી થતા કેટલાક ફાયદાઓ વિશે જાણીશું.
આમળા પોષકતત્વો અને ઔષધિય ગુણોથી ભરપૂર હોય છે. આમળામાં વિટામિન સી, આયરન, પોટેશિયમ, કેલ્શિયમ અને એંટીઓક્સિડેંટજેવા ઘણા પોષકતત્વો જોવા મળે છે. આમળાનું સેવન કરવાથી તમારા શરીરને ઘણા લાભ થાય છે. પાચન સંબંધી સમસ્યાઓથી લઈને ગંભીર બીમારીઓ દૂર કરવા માટે આમળા ખૂબ જ ફાયદાકારક ગણવામાં આવે છે. માત્ર સ્વાસ્થ્ય જ નહીં ત્વચા અને વાળ માટે પણ આમળા વરદાન સમાન છે.
આમળાનું સેવન ઘણા પ્રકારે કરવામાં આવે છે. તમે આમળાનું અથાણું, ચટણી અને મુરબ્બો તેમજ જ્યુસનું સેવન કરી શકો છો. આમળાનું જ્યુસ પીવાથી શરીરને ઘણા ફાયદા થાય છે. પરંતુ શું તમે જાણો છો કે, જો સવારે ખાલી પેટ આમળાના જ્યુસનું સેવન કરવાં આવે તો તમને બે ગણા લાભ મળે છે. આવો જાણીએ, ખાલી પેટ આમળાનું જ્યુસ પીવાના ફાયદા.
સવારે ખાલી પેટ આમળાનું જ્યુસ પીવાના ફાયદા:-
1) વજન ઘટાડવામાં મદદરૂપ- જો તમે વધતા જતા વજનથી પરેશાન છો તો તમે આમળાનું સેવન કરી શકો છો. સવારે ખાલી પેટ આમળાનું જ્યુસ પીવાથી વજન ઘટાડવામાં મદદ મળે છે. તેમાં રહેલ ફાઈબર પાચનતંત્રને તંદુરસ્ત રાખે છે અને ભૂખને પણ કંટ્રોલ કરે છે. સવારે ખાલી પેટ આમળાનું જ્યુસ પીવાથી મેટાબોલીજ્મ પણ ઝડપી બને છે, જેનાથી વજન કંટ્રોલ કરવામાં ફાયદો મળે છે.
2) બોડી ડિટોક્સ કરે છે:- શરીરને એનર્જી પૂરી પાડવા માટે આપણે આમળાનું સેવન કરી શકીએ છીએ. સવારે ખાલી પેટ આમળાનું જ્યુસ પીવાથી બોડી ડિટોક્સ થાય છે. તે શરીરના ઝેરી પદાર્થોને બહાર કાઢવામાં મદદ કરે છે. તેનું સેવન કરવાથી લીવરની કાર્યક્ષમતામાં પણ સુધારો થાય છે. આમળાનું જ્યુસ પીવાથી કિડની સ્ટોન અને યુરીન ઇન્ફેક્શનની સમસ્યામાં પણ લાભ થાય છે.
3) પાચનતંત્રને મજબૂત કરે છે:- નબળા પાચનતંત્ર માટે તમે આમળાનું સેવન કરી શકો છો. આમળાનું જ્યુસ આપણા પાચનતંત્ર માટે ખૂબ જ ફાયદાકારક હોય છે. તેમાં ભરપૂર માત્રામાં ફાઈબર હોય છે, જે પાચન ક્રિયાને સારી બનાવવામાં મદદ કરે છે. સવારે ખાલી પેટ આમળાના જ્યુસનું સેવન કરવાથી કબજિયાત, અપચો અને ઇરિટેબલ બાઉલ સિન્ડ્રોમની સમસ્યા દૂર કરવામાં મદદ મળે છે.
4) બ્લડ શુગરને નિયંત્રણમાં રાખ છે:- ડાયાબિટ્સના દર્દીઓ માટે આમળાના જ્યુસનું સેવન ખૂબ જ ફાયદાકારક હોય છે. તે બ્લડ શુગર લેવલને નિયંત્રણમાં રાખે છે અને ફ્રી રેડિકલ્સથી લડવામાં પણ મદદરૂપ છે. સવારે ખાલી પેટ આમળાનું જ્યુસ પીવાથી બ્લડ શુગર અચાનક વધતું નથી. તે ઓક્સિડેટિવ સ્ટ્રેસ ઘટાડવામાં પણ મદદ કરે છે. ડાયાબીટીસ ને કંટ્રોલ કરવામાં પણ આમળા ખુબ જ મદદ કરે છે.
5) આંખો માટે ફાયદાકારક:- આંખનું તેજ વધારવા માટે પણ આમળાનું સેવન ગુણકારી છે. આમળાનું જ્યુસ આંખોનું તેજ વધારવા માટે ખૂબ જ ફાયદાકારક હોય છે. તેમાં વિટામિન એ, સી અને એંટીઓક્સિડેંટ જેવા પોષકતત્વો હોય છે, જે આંખો માટે ફાયદાકારક હોય છે. સવારે ખાલી પેટ આમળાના જ્યુસનું સેવન કરવાથી આંખો સંબંધિત સમસ્યાઓ જેમકે, મોતિયા અને આંખોની બળતરાથી છુટકારો મળે છે.
દરરોજ સવારે ખાલી પેટ આમળાના જ્યુસનું સેવન કરવાથી શરીરને ઘણા સારા વિકલ્પ મળે છે. આમળાના જ્યુસમાં રહેલ પોષકતત્વ શરીરને ઘણી બીમારીઓથી બચાવવામાં મદદ કરે છે. પરંતુ જો તમને કોઈ ગંભીર બીમારી હોય કે એલર્જી હોય તો, ડોક્ટરની સલાહ પછી જ તેનું સેવન કરવું જોઈએ.
(નોંધ : ઉપર જણાવેલ બધી જાણકારી ઈન્ટરનેટ આધારિત છે, માટે તેનો ઉપાય કરતા પહેલા કોઈ વિશેષજ્ઞ અથવા જાણકારની સલાહ અવશ્ય લેવી.)