આજના સમયમાં ખુબ જ જીવલેણ ગણાતી તેમજ દિવસે દિવસે લોકોમાં વધતી જતી એક બીમારીએ લોકોની નીંદર પણ હરામ કરી દીધી છે. અને તે બીમારી છે ડાયાબીટીસ ની. જેનું પ્રમાણમાં લોકોમાં વધી રહ્યું છે. અને જયારે વ્યક્તિને ડાયાબીટીસ આવે છે ત્યારે તે વ્યક્તિએ પોતાની ખાણીપીણીમાં ખુબ જ ધ્યાન રાખવું પડે છે. તેમજ ડાયાબીટીસની બીમારી કંટ્રોલમાં ન રહે તો અન્ય બીમારીઓનું જોખમ પણ વધે છે. આથી જો તમે પોતાનું ડાયાબીટીસ કંટ્રોલ કરવા માંગતા હો તો તમે એક ખાસ પ્રકારનું ગુલાબી ફ્લ્નુસ સેવન કરી શકો છો. તેના સેવનથી શુગર લેવલ કંટ્રોલમાં રહે છે અને કેન્સર જેવી જીવલેણ બીમારી પણ ઓછી રહે છે.
ડાયાબિટીસના દર્દીઓની સંખ્યા સતત વધતી જાય છે. આ બીમારી વિશ્વમાં કરોડો લોકોને પોતાનો શિકાર બનાવી ચૂકી છે. ડાયાબિટીસથી પીડિત દર્દીઓના શરીરમાં ઇન્સુલિન ઉત્પન્ન થઈ શકતું નથી અથવાતો તેનો સરખી રીતે ઉપયોગ થઈ શકતો નથી. આવી કન્ડિશનમાં બ્લડ શુગર ઝડપથી વધી જાય છે. ડાયાબિટીસ વાળા દર્દીઓની ઇમ્યુનિટી ખૂબ જ નબળી થઈ જાય છે અને તેઓ જલ્દી જ અન્ય બીમારીઓની ઝપેટમાં આવી જાય છે. એવામાં જરૂરી છે કે, ડાયાબિટીસના દર્દીઓ પોતાનું બ્લડ શુગર કંટ્રોલમાં રાખે અને કોઈ પણ પ્રકારના કોંપ્લિકેશનથી બચે.
જો તમને કહેવામા આવે કે, હાઇ બ્લડ શુગરની સમસ્યા એક ફળ ખાવાથી કંટ્રોલ થઈ શકે છે, તો તમે સાંભળીને ચકિત થઈ જશો. હા, અમુક એવા પણ ફળ હોય છે, જેમને ડાયાબિટીસના દર્દીઓ માટે ખૂબ જ ફાયદાકારક ગણવામાં આવે છે. તેમાં ડ્રેગન ફ્રૂટનું નામ સૌથી પહેલા આવે છે. મેડિકલ ન્યૂઝ બુલેટિનની રિપોર્ટ મુજબ, ડ્રેગન ફ્રૂટને ડાયાબિટીસના દર્દીઓ માટે લાભદાયી ફળ ગણવામાં આવે છે. ઘણી રિસર્ચમાં પણ આ વાત સામે આવી છે કે ડ્રેગન ફ્રૂટના સેવનથી બ્લડ શુગર કંટ્રોલમાં રહે છે અને કેન્સરનું જોખમ પણ ઓછું થાય છે. પ્રિ-ડાયાબીસના દર્દી જો ડ્રેગન ફ્રૂટનું સેવન કરે તો, ડાયાબિટીસ થવાનું જોખમ ઓછું થઈ જાય છે. ડ્રેગન ફ્રુટમાં રહેલ તત્વો તમને પુરતા પ્રમાણમાં પોષક તત્વોની કમી પૂરી પાડે છે. તેમજ
પોષકતત્વોનો હોય છે ભંડાર:- ડ્રેગન ફ્રૂટને પોષકતત્વોનો ખજાનો ગણવામાં આવે છે. તેમાં એંટીઓક્સિડેંટ અને ફાઇટોન્યુટ્રિએંટ્સની માત્રા ભરપૂર હોય છે. ડ્રેગન ફ્રૂટ પોતાના એન્ટિ-કેન્સર અને એન્ટિ-ડાયાબિટીક ગુણો માટે પણ આખી દુનિયામાં ખૂબ જ ખાવામાં આવે છે. આ ફળમાં વિટામિન સી, લાઈકોપીન અને બીટાસાઈનીન જેવા તત્વો હોય છે. તેનાથી બ્લડ શુગર અને કોલેસ્ટ્રોલને ઘટાડવામાં મદદ મળે છે. સાથે જ કેન્સરથી બચાવ કરવામાં પણ ડ્રેગન ફ્રૂટને અસરકારક ગણવામાં આવે છે.
અત્યાર સુધી ઘણી સ્ટડીમાં આ વાત જાણવા મળી છે કે, પ્રિ-ડાયાબિટીસ અને ડાયાબિટીસના દર્દીઓ જો ડ્રેગન ફ્રૂટનું સેવન કરે તો, શુગર લેવલમાં ઘટાડો જોવા મળી શકે છે. તેમાં રહેલ પોષક તત્વો રોગો સામે લડવાની શક્તિ આપે છે. તમારી રોગપ્રતિકારક શક્તિ વધારે છે. લોહીની ગુણવત્તામાં વધારો કરે છે. લોહી શુદ્ધ બને છે. તમારું સ્વાસ્થ્ય સારું રહે છે.
ડ્રેગન ફ્રૂટના મોટા ફાયદાઓ:- આ ફળમાં રહેલ પોષક તત્વો ડાયાબીટીસ ને કંટ્રોલ કરવાનું કામ કરે છે. હેલ્થલાઇનની રિપોર્ટ મુજબ, ડ્રેગન ફ્રૂટમાં વિટામિન અને મિનરલ્સની માત્રા ભરપૂર હોય છે. જેનાથી શરીરને ઘણા મોટા ફાયદાઓ થાય છે. આ ફળ ક્રોનીક ડીસીઝથી બચાવવામાં મદદ કરે છે. નબળી ઇમ્યુનિટી સિસ્ટમને મજબૂત કરે છે. શરીરમાં આયરનનું લેવલ વધારવામાં મદદ કરે છે. તેનાથી ગટ હેલ્થને મજબૂતી મળે છે અને મેગ્નેશિયમની ઉણપ પૂરી કરે છે. ડ્રેગન ફ્રૂટને શરીર માટે ખૂબ જ ફાયદાકારક ગણવામાં આવે છે.
(નોંધ : ઉપર જણાવેલ બધી જાણકારી ઈન્ટરનેટ આધારિત છે, માટે તેનો ઉપાય કરતા પહેલા કોઈ વિશેષજ્ઞ અથવા જાણકારની સલાહ અવશ્ય લેવી.)