મિત્રો આપણે જાણીએ છીએ કે સુકામેવાનું સેવન આપણા માટે ખુબ જ સારું છે. તેમાં પણ બદામ અને અખરોટનું સેવન કરવાથી તમારું માનસિક સ્વાસ્થ્ય સારું બને છે. આ સિવાય આ વસ્તુના સેવનથી તમારા હાડકાઓ પણ મજબુત બને છે. આજે આપણે અખરોટનું દૂધ પીવાથી થતા કેટલાક ફાયદાઓ વિશે જાણીશું. તેના સેવનથી કેન્સરનું જોખમ પણ ઓછુ કરી શકાય છે. તમારા બોન્સ અને હાર્ટ પણ હેલ્દી બને છે.
સારી હેલ્થ માટે ડ્રાય ફ્રૂટ્સ ખાવા ખૂબ જ વધારે ફાયદાકારક હોય છે. જ્યારે પણ આપણે બીમાર થઈએ છીએ કે પછી આપણી ઇમ્યુનિટી ખરાબ થાય છે તો આપણે ફળ, શાકભાજી અને ડ્રાય ફ્રૂટ્સ ખાઈએ છીએ. કાજુ, બદામ, કિશમિશ, અખરોટ, પિસ્તા જેવા ઘણા ડ્રાય ફ્રૂટ્સ છે જે શરીરમાં ઘણા પ્રકારના વિટામીન્સ અને મિનરલ્સની પૂર્તિ કરે છે જેનાથી આપણને સારી ફિટનેસ મળે છે. અખરોટનું સેવન આપણા શરીર માટે ખૂબ જ ફાયદાકારક હોય છે કારણ કે, તે માત્ર શારીરિક હેલ્થ જ નહીં પરંતુ માનસિક હેલ્થ પણ ઇમ્પ્રૂવ કરે છે. સામાન્ય રીતે લોકો અખરોટને સૂકા જ ખાતા હોય છે પરંતુ શું તમે જાણો છો અખરોટનું દૂધ પણ આપણાં સ્વાસ્થ્ય માટે રામબાણની જેમ જ કાર્ય કરે છે. 
ઘણા એવા લોકો હોય છે જેને દૂધ પીવાનું પસંદ હોતું નથી અથવા જે લોકોને લેક્ટોઝ ઈનટોલેરેન્સ હોય તેમના માટે અખરોટનું દૂધ એક સારો ઓપ્શન છે. મિલ્કપિક ડોટ કોમના મત મુજબ, અખરોટનું દૂધ આપણાં શરીરને લાંબા સમય સુધી હેલ્થી રાખે છે. આવો જાણીએ અખરોટના દૂધથી આપણને ક્યાં ક્યાં હેલ્થ બેનિફિટ્સ મળે છે.
1) મેમોરી સારી બને છે:- અખરોટ એક એવું ડ્રાય ફ્રૂટ છે જેને આપણે બ્રેનનો પાવર વધારનાર ડ્રાય ફ્રૂટ તરીકે જાણીએ છીએ. પેરેન્ટ્સ પોતાના બાળકોની મેમોરી વધારવા માટે નાનપણથી જ તેમને અખરોટ ખવડાવે છે. અખરોટનું દૂધ પણ આપણી મેમોરીને બુસ્ટ કરે છે. જો તમે જલ્દી જ વસ્તુને ભૂલી જતાં હોય તો તમારે અખરોટના દૂધનું સેવન કરવું જોઈએ.
2) હાડકાંને મજબૂત બનાવે છે:- દૂધમાં કેલ્શિયમ ભરપૂર માત્રામાં જોવા મળે છે. અખરોટનું દૂધ સામાન્ય દૂધની તુલનાએ વધારે સારું હોય છે અને તે આપણાં હાડકાંને પણ મજબૂત બનાવે છે. અખરોટના દૂધના સેવનથી સાંધાનો દુખાવો પણ ઓછો થાય છે.
3) હ્રદયના સ્વાસ્થ્ય માટે ફાયદાકારક:- જો તમે હ્રદય સંબંધી બીમારીના શિકાર હોય તો તમારા માટે અખરોટનું દૂધ લાભદાયી થઈ શકે છે. અખરોટમાં કાર્ડિયો પ્રોટેક્ટિવ તત્વો જોવા મળે છે જે હાર્ટની હેલ્થ માટે સારા હોય છે. અખરોટનું દૂધ બ્લડ પ્રેશરને પણ કંટ્રોલમાં રાખે છે. જો તમે રેગ્યુલર બેસિસ પર તેનો ઉપયોગ કરો છો તો તમે બીમારીઓના જોખમથી બચી શકો છો.
4) એંટીઓક્સિડેંટથી ભરપૂર હોય છે:- અખરોટના દૂધમાં ઘણા બધા એંટીઓક્સિડેંટ જોવા મળે છે. તે આપણી રોગપ્રતિકારક ક્ષમતાને વધારે છે જેનાથી આપણને તમામ પ્રકારની બીમારીઓથી લડવામાં તાકાત મળે છે. તેની સાથે જ તે આપણને સંક્રમણથી પણ બચાવે છે.
5) કેન્સરનું જોખમ ઓછું થાય છે:- અખરોટનું દૂધ કેન્સર જેવી જીવલેણ બીમારીના જોખમને પણ ઓછું કરવામાં મદદ કરે છે. અખરોટમાં એન્ટિ કેન્સર ગુણ જોવા મળે છે અને તે કેન્સરના સેલ્સને વધતાં અટકાવે છે.
6) ડાયાબિટીસમાં ફાયદાકારક:- ડાયાબિટીસ એક લાઇલાજ બીમારી છે. તેને માત્ર ખાણીપીણીમાં બદલાવ કરીને અમુક હદે કંટ્રોલ કરી શકાય છે. ડાયાબિટીસની બીમારીમાં અખરોટનું દૂધ ખૂબ જ ફાયદાકારક થાય છે. તેના ઘણા ઔષધિય ગુણો બ્લડ શુગરને કંટ્રોલ કરે છે. આમ કેન્સર, હ્રદય, ડાયાબીટીસ તેમજ હાડકાની મજબૂતી માટે અખરોટના દૂધનું સેવન ખુબ જ લાભકારી છે.
(નોંધ : ઉપર જણાવેલ બધી જાણકારી ઈન્ટરનેટ આધારિત છે, માટે તેનો ઉપાય કરતા પહેલા કોઈ વિશેષજ્ઞ અથવા જાણકારની સલાહ અવશ્ય લેવી.)