મિત્રો આજના સમયમાં મોટાભાગના લોકો વધતા વજનથી પરેશાન રહે છે. અને લોકોની ફરિયાદ રહે છે કે ઘણા પ્રયત્નો કરવા છતાં વજન ઉતારવાનું નામ નથી તેથી આજે અમે તમને વજન ઉતારવાથી લઈને ડાયાબિટીસ, કોલેસ્ટ્રોલ અને એનીમિયા જેવા રોગોથી લડવા માટેની સરળ રીત જણાવવા જઈ રહ્યા છીએ.
મિત્રો આપણા આહારમાં દરરોજ ઘઉંની રોટલી નો સમાવેશ કરવામાં આવે છે પરંતુ જો તેની જગ્યાએ જવ ની રોટલીનું સેવન કરવામાં આવે તો તે સ્વાસ્થ્ય માટે ખૂબ જ ફાયદાકારક છે. તેનું કારણ એ છે કે જવમાં ભરપૂર પ્રમાણમાં પોષક તત્વો ઉપલબ્ધ હોય છ, જેથી કરીને મોટાભાગની બીમારીઓ સામે લડવામાં મદદ મળે છે.
જવની રોટલીમાં કાર્બોહાઈડ્રેટ્સ, સેલેનિયમ, ડાયેટરી ફાઈબર, કોપર, સોડિયમ, મેંગેનીઝ, પ્રોટીન જેવા તત્વો ઉપલબ્ધ હોય છે.તેની સાથે જ જવની રોટલીમાં ખૂબ જ ઓછા પ્રમાણમાં કેલરી ઉપલબ્ધ હોય છે, જે સ્વાસ્થ્યની દૃષ્ટિએ ખૂબ જ ફાયદાકારક છે. તો મિત્રો આજે આપણે જાણીશું કે જવની રોટલીનું સેવન કરવાથી કયા કયા ફાયદા થાય છે.
જવની રોટલી ખાવાથી પેટને ખૂબ જ ફાયદો થાય છે. જવની રોટલીમાં પુષ્કળ પ્રમાણમાં ડાયટરી ફાઇબર હોય છે તેથી તેનું સેવન કરવાથી પાચનશક્તિને મજબૂત બનાવવામાં મદદ મળે છે. આ ઉપરાંત પેટને લગતી બીમારી જેમકે કબજિયાત ની સમસ્યા પણ દૂર કરવામાં ફાયદાકારક છે.
મિત્રો જવની રોટલીમાં વિટામીન સી સારા પ્રમાણમાં ઉપલબ્ધ હોય છે તેથી તેનું સેવન કરવાથી રોગપ્રતિકારક શક્તિ મજબૂત થાય છે. વિટામીન સી રોગ પ્રતિકારક ક્ષમતાને મજબૂત બનાવે છે. જે લોકો અવારનવાર વાયરલ ઇન્ફેક્શનની ઝપેટમાં આવતા હોય તેઓએ જવની રોટલીનું સેવન અવશ્ય કરવું જોઈએ.
આજના સમયમાં મોટાભાગના લોકો ખરાબ કોલેસ્ટ્રોલ શરીરમાં વધવાથી ચિંતિત રહે છે. કારણ કે આ હૃદય રોગના જોખમને વધારવાનું સૌથી મોટું કારણ છે. પરંતુ આ કોલેસ્ટ્રોલના સ્તરને ઘટાડવા માટે જવ ની રોટલીનું સેવન ખૂબ જ ફાયદાકારક સાબિત થાય છે.
જે લોકોને અવારનવાર કમજોરી નો અહેસાસ થતો હોય તેઓએ જવ રોટલીનું સેવન અવશ્ય કરવું જોઈએ કારણ કે જવની રોટલીમાં વિટામીન અને મિનરલ્સ ભરપૂર પ્રમાણમાં ઉપલબ્ધ હોય છે, તેથી જો તેનું સેવન કરવામાં આવે તો તે તમારા શરીરમાં એનર્જીનું લેવલ જાળવી રાખે છે.
આજના સમયમાં મોટાભાગના લોકો વધતા વજનથી પરેશાન રહે છે અને આ મેદસ્વિતા અનેક રોગોનું જડ છે, તેથી મેદસ્વિતાને નિયંત્રિત કરવી ખૂબ જ જરૂરી છે. તેને નિયંત્રણમાં લાવવા માટે જવની રોટલી નું સેવન ખૂબ જ ફાયદાકારક સાબિત થાય છે. કારણ કે જવની રોટલીમાં પ્રોટીન, ડાયેટરી ફાઈબર જેવા તત્વો ઉપલબ્ધ હોય છે, સાથે જ તેમાં કેલરીનું પ્રમાણ પણ ઓછું હોય છે, તેથી તેનું સેવન કરવાથી વજન નિયંત્રણ કરવામાં મદદ મળે છે.
જો લોહીની ઉણપ થાય તો એનીમિયા રોગ થાય છે. આ રોગને દૂર કરવા માટે રોટલીનું સેવન લાભદાયક છે. કારણકે જવમાં સારા પ્રમાણમાં આયર્ન ઉપલબ્ધ હોય છે તેથી તેના સેવનથી શરીરમાં હિમોગ્લોબીનનું સ્તર વધારવામાં મદદ મળે છે.
જો કોઈ વ્યક્તિ ડાયાબિટીસના રોગ થી પીડિત હોય તેના માટે જવ ની રોટલી નું સેવન ખૂબ જ ફાયદાકારક છે. કારણ કે જવ માં એન્ટી ડાયાબિટીક ગુણ ઉપલબ્ધ હોય છે જે શુગરના લેવલને નિયંત્રિત કરીને તેનું સંતુલન જાળવી રાખે છે.
(નોંધ : ઉપર જણાવેલ બધી જાણકારી ઈન્ટરનેટ આધારિત છે, માટે પહેલા કોઈ વિશેષજ્ઞ અથવા જાણકારની સલાહ અવશ્ય લેવી.)